Chapter Thirty Eight: Fennier

"Oh my gosh, Chanel!" narinig kong sigaw ni Zari mula sa area kung saan ko siya iniwan. Nakita kong tumakbo rin siya palapit sa akin kasabay nina Geo at Dior na nagtatago kanina sa likod ng puno.

Nakita ko rin na natataranta sila habang nakatingin sa kalagayan ko ngayon. Si Dior ay lumilinga-linga sa paligid upang makahanap siguro ng bagay nakakatulong para maialis ako rito. Si Geo naman ay nag-aalalang nakatingin sa akin habang pilit na inaabot ang kamay niya.

Kasalukuyang nakabaon ang aking mga paa sa isang napakalaking butas at may mga sanga sa ilalim ko kung saan nakabaon ang mga paa ko. Hindi ko na rin maramdaman ang mga paa ko dahil sigurado ako na may sugat na ito.

"Humawak ka sa kamay ko, Chanel. Ilalabas kita riyan," desperadong ani Geo. Pasimple akong tumingin kay Dior ngunit nakita kong nakatingin din siya sa akin habang umiiling. "Come on, Chanel! Baka ma-infection pa ang sugat mo!"