Chapter Thirty Seven: Treasure Hunting

Nagising ako dahil sa liwanag ng araw na sumisilip sa siwang ng kurtina na nakalagay sa bintana ng cabin namin. Nang igalaw ko ang aking katawan, agad akong napadaing dahil sa sakit na nararamdaman ko sa aking katawan.

"Ouch! It hurts, ano ba, 'to?" narinig kong pagdaing din ni Farrah. Nilingon ko siya at nakita ko ang sakit mula sa kaniyang mukha habang nakahawak sa braso niya.

"Ano'ng nangyari sa 'yo?" nagtatakang tanong ko habang nakatingin sa kaniya.

"Ang sakit ng balikat ng braso ko, pakiramdam ko'y hindi ko kayang kumilos ngayon dahil sa panghihina," sagot niya.

"Me too, ang sakit din ng katawan ko. I think... nabigla ang katawan natin dahil sa paglilinis kahapon. Mabuti na lang at hindi na natuloy 'yung activity natin kahapon," sambit ko habang pinipilit na igalaw ang katawan ko ngunit sakit lamang ang nararamdaman ko.

Hindi na namin nagawa ang activity namin kah