Chapter Thirty Six: Friendship

"Hey, Princess, wake up! Wala ka sa bahay niyo para pagsilbihan ng mga maids mo!"

Dahil sa pagsigaw na narinig ko ay agad akong napabalikwas ng upo at masamang tiningnan si Farrah na kasalukuyang nakapamewang at masama ring nakatingin sa akin.

"Bakit ka nakabihis, saan ka pupunta?" pumupungay ang mga matang tanong ko sa kaniya dahilan upang mas lalong tumaas ang kaniyang kilay.

"Baka nakakalimutan mo na nasa retreat at fieldtrip tayo? Malamang, may activities tayong gagawin ngayon," napapairap na sagot ni Farrah at napapakamot pa sa kaniyang ulo dahil sa frustration. "Kahit kailan talaga, buhay Prinsesa ka. But now na wala ka sa bahay niyo, kumilos ka nang mag-isa." Tinalikuran na niya ako at lumabas na ng cabin.

Napahilamos na lang ako sa aking mukha bago tumayo at kumilos na para maligo. Mabilis lang ang naging pagkilos ko katulad ng ginagawa ko araw-araw tuwing may pasok kami. Nang matapos ako sa