Chapter 20

Mahigit isang linggo na rin akong nasa poder ni Jonas. Pilit ko nalang iniintindi ang mga ikinikilos niya at nakikita ko naman na sobra siyang nag-aalala para sa akin. Nandito lang ako sa loob ng condo unit niya at hindi niya ako pinapayagang lumabas dahil baka bigla raw sumulpot sina Josiah at kunin ako nito mula sa kanya.

Bumuntonghininga ako dahil hindi ko maitatanggi na miss ko na si Josiah. Kailangan ko na talagang sanayin ang sarili ko kay Jonas dahil siya ang nobyo ko at totoong pamilya ko. Mahirap man sa una pero sisikapin ko, sana nga ay magbalik na ang alaala ko para maalala ko na rin kung paano ko nga ba siya minahal.

Ngayon ay aalis daw kami papuntang San Alfonso para mameet ang pamilya ko at ang pamilya niya. Magkahalong kaba at excitement ang nararamdaman ko ngayon dahil sa wakas ay makikita ko na rin ang pamilya ko.

Mahigit walong oras ang byinahe namin ni Jonas mula Maynila hanggang sa makarating kami sa San Alfonso. Pagkababa namin sa kotse niya ay namangha nalang ako