Kabanata 81

Alina’s POV

Nung hating gabi na, narinig ko na parang may palakad-lakad sa labas ng kuwarto namin ni mama. Na para bang may hinahanap silang tao. Si mama, hinayaan ko munang matulog habang wala pa si Corvus. Ako, hindi puwedeng matulog at baka bukas paggising ko, kaluluwa na lang ulit ako. Ayoko nang mangyari pa ‘yun.

Alam kong hinahanap na nila si Thomas kaya medyo kinakabahan na ako. Pero habang hindi pa sila naghahanap dito sa kuwarto namin ni mama, nag-isip na agad ako ng kuwento ko para mailigaw ko sila.

Habang nakaupo ako sa kama, may kumatok sa pinto ng bandang ala una ng madaling-araw. Nagdalawang-isip pa ako kung bubuksan ko ba o hindi. Pero dahil may nabuo na akong kuwento sa isip ko, handa na rin naman ako.

“Alina, gising pa ba kayo? May gusto lang akong itanong?” dinig kong sabi sa labas ni Tita Camilla.

Ginulo ko bigla ang buhok ko para magmukhang bagong gising ako. Pagkatapos, saka ko na binuksan ang pinto. Papungay-pungay ako ng mga mata para magmukhang kagigising ko la