Kabanata 82

Alina’s POV

Tanghali na ako nagising. Dito na ako natulog sa kuwarto namin ni Corvus. Sabi kasi niya ay magtabi na kaming matulog kasi mukhang na-stress ako sa nangyari. Nung matulog kami nung madaling-araw, niyakap niya lang ako hanggang sa makatulog kami. Ang sarap sa pakiramdam na safe na kami ni mama.

Si mama, binigyan ni Corvus ng sariling kuwarto para raw may privacy. Nakakatuwa kasi breakfast in bed ang nangyari ngayong umaga. Si Corvus pa ang naghatid ng pagkain ko dito.

“Gising na rin ba si mama?” tanong ko sa kaniya habang nag-aalmusal na ako.

“Nasa sa garden, kasama ni Madam Imelda. Mahilig pala sa mga halaman at bulaklak ang mama mo. Sumama siyang mag-harvest ng mga bulaklak na idi-display sa loob ng mansiyon.”

“Ang pinsan ko naman, kumusta?”

“Nandoon sa kulungan niya, nakatali sa kama. Pero napakain na siya. Panay nga ang sigaw, gustong magkawala. Mabuti na lang at safe kasi walang makakarinig sa kaniya sa mga kapitbahay.”

Nakakatuwa kasi kahit natutulog ako, sila na ang