Kabanata 87

Alina’s POV

Nag-start na kaming magparamdam kay Camilla. Nandito kaming dalawa ni mama sa loob ng kuwarto ni Thomas. Kinuhanan ko ng picture si Thomas habang nakatali sa kama. Pagkatapos, saka kami pumunta nila Corvus sa malayong lugar upang doon contact-in si Camilla. Para kapag nasagap niya ang location namin, sa ibang lugar sila pupunta, hindi sa mansiyon ni Corvus.

Nandito kami sa tulay kung saan malapit sa mga squatter area. Una, pinasa ko muna kay Camilla ang picture ng anak niya. Alam kong anumang oras ngayon ay tatawag na siya kaya naghintay lang ako. Wala pang ilang minuto ay tumawag na siya.

“Sino ka? Bakit mo hawak ang anak ko?” tanong niya agad sa akin habang galit ang boses. Halatang na-stress agad siya.

Gamit naman voice changer na nilagay ko sa phone ko, hindi niya makikilala ang boses ko kasi boses lalaki ako sa linya ni Camilla.

“Sabihin na lang natin na naghihiganti ako. Hawak ko rin pala si Alina at ang mama niya. Tatlo silang bihag ko,” sabi ko sa kaniya.

“Wala ako