Kabanata 74

Nataranta si AJ nang makitang huminto ang sinasakyan nila sa City jail, kinakalma niya ang sarili ng mga sandaling iyon at pinilit ngumiti sa harap ni Juaquin.

“A-anong ginagawa natin dito? Akala ko ba may sorpresa kang ipakikita sa akin?” kinakabahang tanong ni AJ, wala siyang ideya kung bakit naririto sila pero ang alam niya ay natataranta siya kung anong dahilan ng pagdala ni Juaquin dito sa kaniya. Naniniwala siyang walang nakaalam ng ginawa niya bago siya umalis ng bansang Pilipinas at alam niyang hindi kailanman malalaman ng kahit na sino ang tungkol doon ngunit hindi pa rin niya maiwasan ang hindi mapaisip.

Tumawa si Juaquin sa nasasaksihang pagkataranta ng kalapit na dalaga, hindi nito malaman ang gagawin sa kinaiikot ng lingon sa kanyang upo na parang nais tumakas.

“May dadaanan lamang ako sa loob, maaari mo ba akong samahan sa loob?” nakangising tanong ni Juaquin sa kanya.

Hindi makasagot si AJ sa tanong ng binata, nais niyang tanggihan agad ang binata sa alok nito sa kanya,