Kabanata 80

Labis ang pag-aalala ni Jose sa kanyang pamangkin na si Cassie nang mawalan ito ng malay sa kanyang harapan, hindi siya mapakali kung ano ang gagawin dahil sa biglaang nawalan ng malay ang dalaga.

“Leo! Buhatin mo si Cassie, dali.” Sigaw ni Jose sa isa sa kanyang mga bodyguard, “sa—saan ko siya dadalhin, don Jose?” natatarantang tanong ni Leo.

Lumingon si Jose sa labas para tingnan kung dumating na ang kanyang sasakyan ngunit wala pa rin ito, “ipasok mo sa loob para makapagpahinga ‘yan, palagay ko ay pinagod ng mga magulang niya iyan. Pagkatapos ay tawagin mo ang doktor ko.”

Nagtatatalon ang puso ni Cassie sa kanyang loob habang binubuhat siya sa loob ng mansyon ni Jose dahil sa matagumpay siyang nakapasok sa loob ng mansyon. Naramdaman niyang ihiniga siya ni Leo sa isang malambot na kama at narinig niya ang mga yabag ng paa nitong lumabas ng silid.

Idinilat ni Cassie ang kanyang mga mata at tumayo nang makitang wala ng tao sa silid, nakatayo siya sa tabi ng bintana at hinawi ang puti