Book 2: Chapter 20-Kasal

Nilapitan ni Stella ang pinsan nang makita ito. Naroon sila ngayon sa Register Office ng isang kilalang judge para sa kasal ng mga ito. Hanggang ngayon ay hindi siya makapaniwala na ganitong kasal lang ang gusto ni Diana. Mataas ang pangarap ng babae at maarte, pero ngayon ay ang laki ng pinagbago ng pinsan pati ang ugali.

"Ayos ka lang ba talaga?" tanong ni Stella kay Diana.

"Mukha ba akong hindi ok?" nakasimangot na tanong din ni Diana. Hindi na naman maganda ang gising niya kanina at ayaw na may kumakausap sa kaniya.

Kung hindi niya lang kasal ngayon ay wala siyang balak lumabas ng silid. Simple lang ang suot niyang dress na kulay puti. Pagtingin niya kay Denise ay mukhang ito ang ikakasal at todo kapit sa braso ni Mauro.

Napabuntonghinga si Stella bago tinapunan ng tingin ang kapatid at abuelo ni Diana. Halata sa mukha ng mga ito na hindi masaya.

"Pare, good luck sa bago mong buhay." Nakangising bati ni Charles sa lalaki.

Pumalatak si Mauro at sinulyapan si Diana. Mula nang ihati