Book 3: Chapter 34-Kamalasan

Parang natuod na si Alexa sa kinatayuan nang biglang may tatlong lalaki ang dumating at pakaladkad na kinuha si Dave. Ipinagtaka niya ay hindi na nanlaban si Dave at ang mukha nito ay mukhang takot habang nakatitig sa matanda. Sinilip niya ang mukha ng ginoo, halatang galit pa rin ito.

Mabilis na binago ni Charles ang aura sa mukha at halos maduling na ang dalaga kakatitig sa kaniya. "May problema ba sa mukha ko, hija?"

"Lolo, bakit ganoon makatingin si Dave sa iyo? Hindi ka naman mukhang maligno para matakot nang husto sa iyo."

Napangiti si Charles at sandaling nakalimutan ang galit na nadarama kanina. "Sino ba ang lalaking iyon at ang lakas ng loob na bastusin ka?"

"Hindi ko rin po alam kung bakit ganoon kabastos siya. Boyfriend siya ng pinsan kong mahadira. Siya sana ang napili ng lolo ko na ipakasal sa akin, alaalang sa mana ko."

"Mabuti at hindi natuloy na ikasal ka sa kaniya?"

"Naku, lolo, matalino ako at hindi ko siya type. Gumawa ako ng paraan upang malaman ng lolo ko na isa s