Book 3: Chapter 35-Dismaya

"Pst, ano ang hitsura ng Jackie na iyon?" tanong ni Alexa sa katabing babae.

"Si Jackie?" patanong ding sagot ng babae.

Tumango si Alexa sabay pikit-pikit nang mariin.

"Mataray iyon. Kilala ng karamihan dahil minsan na siya dito nag intern din. Mayabang din kasi ang ama ay isa sa board of directors ng kompanya."

Napalabi si Alexa, sa isip ay may ipagyayabang naman pala. Bigla niyang naalala ang babaeng matapobre kanina. Huwag lang na iisa iyon at ang babaeng gusto lumandi sa asawa niya. Kung wala lang trabaho at baka nakasugod na siya sa opisina ng asawa. Pero kailangan niyang maging professional. Ginagalang ng lahat ang asawa niya at hindi maaring malaman ng mga ito na siya ang asawa. Nahihiya siya para sa sarili, kailangan muna niyang magtapos sa pag aaral upang may maipagmalaki sa lahat bilang asawa ni Zion.

Pagpasok ni Zion sa visitor area ng opisina ay naroon nga si Jackie. "May kailangan ka?" pormal niyang tanong sa babae.

"Hi, may dala akong breakfast for you." Kiming ngumiti