Book 4: Chapter 53-Tantrums

Mula sa pagkadapa sa kama ay napabangon si Jenny nang makita sa isang social media ang isang balita. Nasira na naman ang araw niya nang makita na magkasama sa larawan sina Rafael at Tanya. Ngayon lang nangyari na sumama sa picture si Rafael for news.

"I hate you!" Naibato niya ang cellphone dahil sa inis. Nabasag iyon dahil tumama sa dingding pero hindi siya nanghinayang.

Naiinis siya dahil ang ngiti ni Tanya ay alam niyang para sa kaniya. Nagmamalaki na kasama sa larawan si Rafael ngayon. Alam niyang magkikita ang dalawa dahil sa signing contract. Pero bakit kailangan pang sumama sa picture ni Rafael? Ang nakakapikon pa ay halos yumakap na dito si Tanya.

Nakailang katok na si Stella sa silid ng anak ngunit hindi sumasagot. Mabuti at hindi iyon naka lock kaya nakapasok siya.

"Anak..."

Hindi pinansin ni Jenny ang ina at nanatiling nakasubsob ang mukha sa unan.

Napabuntong hininga si Stella nang makita ang cellphone ng anak sa sahig. Tinawag niya ang katulong upang linisin iyon l