Chapter 101-Drug

Namukhaan ni Diana ang lalaking gumagala sa paligid dala ang tray kung saan nakalagay ang wine glass. Nakit niya ito kahapon na kausap ng kapatid niya kaya nag alala siya. Wala siyang alam na may ibang plano ang kapatid ngayong gabi. Pagtingin niya kay Magda ay naglakad ito patungo sa isang sulok. Sinundan niya ito upang kausapin sana.

"Nakahanda na ba ang lahat?"

Napatda si Diana sa kinatayuan nang malulinigan ang pamilyar na tinig. Ang akala niya ay si Magda lang ang naroon.

"Oo, ito ang room number na papasukin mo mamaya. Ang katabi ay room ni Mauro. May taong gagawa mamaya ng ibang trabaho upang mawala siya sa mundong ito."

Kinabahan si Diana nang marinig ang sinabi ni Magda. Mukhang doble kara ang ginang at hindi lang siya ang kausap nito. Ang hindi pa niya nagustohan ay ang gagawin kay Mauro. Mabilis siyang umalis sa pinagkublihan at bumalik sa umpukan. Ang lakas ng kabog ng dibdib niya at natatakot siya para sa kaligtasan ni Mauro.

Nagmamadaling hinanap ni Diana si Mauro ngun