chapter 48 (Jocelle)

"Okay na ba ang pakiramdam mo?" tanong sa'kin ni Dianne nang madatnan ko ito sa kusina pagkagising ko.

Nakabawi na ito sa initial na gulat nang bigla akong sumulpot dito sa bahay nila kahapon. Buti pa ito nakabawi agad samantalang ako ay bitbit ko pa rin iyong sakit na nararamdaman ko simula pa kahapon.

Bahagya akong napangiwi nang maalala ang kaawa-awa kong hitsura nang makarating ako rito sa kanilang bahay.

Sabog ang buhok ko at namamaga ang mga mata habang tumutulo ang mga luha. Kung hindi dahil sa sleeve ng suot kong damit ay pati sipon ko sana tumutulo rin.

Iniyak ko lahat kahapon kaya heto at parang ayaw nang bumuka ng mga mata ko dahil sa pamamaga.

Medyo masakit din iyong ulo ko. Na-dehydrate yata ako sa kakaiyak. Baka kapag maiyak na naman ako ay dugo na iyong tutulo imbes na luha.

"Kape para nerbyusin ka na 'pag maisip mong mag-jowa ulit."

Paos akong napapakatak habang tinatanggap ang iniabot niyang tasa ng kape.

"Dapat kasi ay sumunod ka sa three months rule bago muling