CHAPTER 13 - DILEMMA

Sortitus POV

"What happened to your arm?"

Pag-aalalang tanong ni Lucio sa akin nang padabog kong isara ang pintuan ko sa aking silid. Si Lucio ang nakababatang kapatid ko na ngayo'y permanenteng nakikitira sa aking mansyon sa labas ng kagubatan at malayang nakikihalubilo sa mga tao simula pa no'ng pumanaw ang aming ama ay hindi na ito nahiwalay pa sa akin.

"Bakit 'andito ka sa aking silid?!" sikmat ko sa kanya habang iika-ika akong maglakad.

Naalarma itong tumugon. "-May hinahanap lamang po akong cord. Pero ayo---" hindi na natapos ang kanyang pagsasalita nang dumaing ako sa sakit.

Nagmarka ang labis na pagkapilipit at namamaga kong katawan. Tuloy-tuloy na pagdalos ng dugo sa pisikal kong pangangatawan mula ulo hanggang paanan.

Mabilis naman akong inalalayan ni Lucio at dahan-dahang inakay pasandal sa 'king kama.

"Aurghhh!" daing ko nang aksidenteng natamaan ni Lucio ang pinakamasakit na parte sa 'king kaliwang tagiliran, nang kanyang tinanggal ang unan na nakasuporta sa aking likod.