CHAPTER 42: STRANGE

Clavem's POV

"Salamat."

Gumuhit ang matalas kong mata sa pagmamatyag kay Heres na ngayon ay biglaan ang paglitaw nito sa buhay ni Sortitus.

"Walang anuman, Heres." Pagtataka kong tugon sa kanya.

Ngumiti pa siya katapos ko itong sabihin. Tumalikod ako at sinara ang pinto ng kwarto nito kung saan siya pansamantala manunuluyan. Iniwan kong nakaawang ang pintuan at nang maobserbahan pa siya sa susunod niyang gagawin. Pero ako ang nasorpresa dahil ibang-iba na siya sa Heres na kilala ko no'n. Marunong ng magpasalamat at napakahinhin ng kanyang mga galaw. Hindi nagalit o nagwawala ng makita niya kaming dalawa ni Sortitus.

Pero isang pagtataka ko lang, paano siya nabuhay? namatay ba talaga siya? At ng makasiguro, dito na muna siya pinatira ni Sortitus. Dahil kahit papaano ay may pinagsamahan ang dalawa, at si Heres ay isa sa pinakamalapit sa puso nito. Siyempre siya ang pinakaunahang babaeng minahal niya kaya hindi n'ya maaalis na mag-alala at hindi magawang pabayaan na lang ni Sortitus si