Chapter 36

Chantria

Nang makarating ako sa bahay ay nagbihis na muna ako. Nangako ako kay Aling Tryna sa kanila mag-di-dinner kaya binilisan ko ang kilos. Though, lagi naman talaga ako sa kanila kumakain kaya hindi ko alam kung bakit kailangan ko pang mangako.

Naabutan ko sa labas si Iwatani na nakatalikod sa gawi ko. Hindi ko agad nakita kung ano ang ginagawa niya kaya tinawag ko ang pangalan niya. Pagkalingon sa ‘kin ay may tinapon siyang kung ano sa sahig bago inapakan.

Napakagat ako sa ibabang labi ko. “Naninigarilyo ka?”

Napakamot siya saglit sa ulo niya. “Minsan. Kapag pagod lang naman.”

“Alam mong hindi maganda sa kalusugan ‘yan, ‘di ba?”

Tumango siya. “Yeah.”

Sa hindi malamang dahilan ay biglang kumulo ang dugo ko. Bakit parang wala lang sa kaniya ang sinasabi ko?

“Alam mo naman pala. Bakit ginagawa mo pa rin?”

Napaawang ang bibig niya sa biglaang pagtaas ng boses ko. “Ahm… sorry. Kung nag-aalala ka sa second-hand smoke, hindi na ako maninigarilyo sa harap mo.”

Napasinghal ako. “Hindi iy