Chapter 47

Chantria

Kasalukuyan kaming nag-aayos ng mga gamit sa pag-uwi namin. Ngayon ko naramdaman ang pagod kaya halos hindi ko maiangat ang mga braso ko para mag-ayos. Pero hindi ko naman mahingi ang tulong nina Louella at Lorreine dahil alam kong pagod rin sila gaya ko.

Matapos talaga ang saya at enjoyment, pagod ang kasunod. It’s not that I’m complaining, though. Gusto ko lang talaga humilata na at magpahinga.

Paglabas namin ng cabin ay halos naroon na ang lahat. Mabilis na hinanap ng mga mata ko si Iwatani na naglalagay na ng gamit sa bus. Matapos niyang mag-ayos ay mabilis niya akong nahanap at nilapitan.

“Wala ka bang nakalimutan?” tanong niya habang inaabot ang mga dala ko.

“Wala na. Ito na lahat ang mga dala ko.”

Tumango lang siya at nauna na sa paglalagay ng mga gamit ko. Napatingin naman ako kay Lorreine na nasa tabi ko na. “Sana all may tagabitbit ng gamit. Kailan ko kaya mahahanap ang tutulong sa ‘kin?”

Mahina kaming natawa ni Louella. “Hindi hinahanap ang mga lalaki, Lorreine,” a