CHAPTER 30

ALIYA'S POV

Hindi ko alam kung ano ang mayroon kay Gavin ngayon. May kakaiba kasi sa mga kinikilos niya nitong mga nakaraang araw.

Isang linggo na siyang hindi pumapasok sa kaniyang kompanya. Pero, nagtatrabaho naman siya rito sa bahay. . .sa opisina niya. Mas gusto niya raw na sa bahay muna magtrabaho para mas malapit sa akin. Aba! Landi talaga ng lalaking 'to.

"Ayos ka lang , Jacobe?" Lumapit ako rito at tumabi. Kanina ko pa napansin ang nakasimangot niyang mukha.

"I'm bored," walang ganang sagot niya.

Sa ilang araw ba naman na pananatili niya sa bahay na ito, hindi siya mainip. Sanay kasi silang labas nang labas kaya ayan. Tulala.

"Kung naiinip ka na, puwede ka namang manood ng palabas sa telebisyon. Mayroon namang basketball court sa likod ng bahay, puwede kang maglaro doon. O hindi kaya'y mag-swimming ka. Andaming puwedeng gawin, Jacobe," pahayag ko. "Sa laki ng lugar na ito, imposibleng wala kang magawa."

"Nagawa ko na ang lahat ng 'yan kahapon at noong isang araw at noong isa p