Chapter 26

Tinulungan ko si Kier na mamulot ng mga tuyong kahoy upang gawing bonfire habang may konting liwanag pa mula sa palubog na araw. Madilim sa pwesto kung saan namin nilatag ang dalang mantel at kung saan kami nakatambay dahil malayo ito mula sa poste ng kuryente. Wala pa kaming balak umuwi, nais pa naming magtagal sa lugar at sulitin ang ganda nito.

Nang makalikom ng sapat na kahoy ay agad kamig bumalik upang makabuo agad ng apoy. Binaba ni Kier ang mga bitbit na kahoy sa buhangin isang metro mula sa harapan ng nakalatag na mantel. Tumulong na rin akong ayusin ang mga kahoy na napulot. Tumayo si Kier upang kunin ang baon nitong gasolina na nasa loob ng compartment ng magara niyang motorsiklo. Nakasilid lamang ito sa maliit na container.

Saglit lamang at agad lang rin siyang bumalik, saktong natapos kong ayusin ang pag pile ng mga kahoy. Binuhusan niya ang mga ito ng konting gasolina at mula sa kanyang bulsa ay kinuha ito ang baon na lighter.

“Don’t get too near, babe. Come here,” inab