Chapter 19

"Are you dying? May cancer ka ba? Anong klaseng sakit? May taning na? Ilang buwan pa ang natitira?" sunod-sunod nitong tanong.

Sa bawat salita na pinapakawalan ni Paxton ay siya namang pag-awang ng kanyang labi. Siya? May taning? May cancer? Ganun na ba ang kagusto nito na mawala siya sa buhay nito?

Kumuyom ang mga kamao niya. Ang walang hiyang lalaking ito..

"Oh. Pasensya ka na ha? Alam kong gustong-gusto mo na akong mawala pero hindi pa kasi ako mamamatay eh. Kung gusto mo ay mauna ka na," ganti niya dito.

"What did you say?" Lumapit ito sa kanya na parang leon na handang manlapa ng tao. Hindi siya nagpatinag. Kapag nakita nitong natatakot siya ay lalo lang siya nitong ibu-bully.

"Ang sabi ko ay mauna ka na," pag-uulit nga niya. Ano ba kasi ang ginagawa ng hinayupak na lalaking ito dito? Nasaan na si Lily?

Bumaba ang tingin ni Paxton sa mga nakakuyom niyang mga kamao. "I see. Nagiging palaban ka na? Sa tingin mo ba ay kaya mo ako?" Nanliit ang mga mata nito na para bang tinitiris s