Chapter 20

Kung noon ay hindi komportable si Jillian na manatili sa bahay ni Paxton, lalo lang iyong tumindi dahil sa pagkakakilala niya kay Jackie. Mukhang hindi sila magkakasundo na dalawa. Tama rin ang mga sinabi ni Abby, na magkasundo ito at ni Lily.

Ngunit importante pa ba iyon? Hindi na siguro. Sapat na na mabait sa kanya si manang Glory at Abby.

"High school lang ang natapos mo? Aba ineng, ni waitress nga sa karinderya ngayon ay gusto ang college graduate. Kami pa kaya na mas malaking mga negosyante? Ay hindi pwede. Sa iba ka na lang maghanap." Inihagis nito sa lamesa ang kanyang resume.

"Ma'am, nakapag-aral naman po ako ng college. Hanggang third year nga lang ako. Meron akong kaunting kaalaman sa accounting. Alam ko rin ang mga business stra—"

Pinatigil siya nito sa pagsasalita.

"Naku, Naku. Hindi iyan pwede. Wala na ngayong naniniwala sa mga ganyang salita. Ang kailangan na sa panahon ngayon ay diploma. College diploma! Transcript of records! Gets mo ba, hija?" wika pa ng matanda at