46 The Triplets, Pt. 2

Inuna man ni Aubrey ang pagpapakasarap, hindi naman niya nalimutan ang bagay na bumabagabag sa kanya simula nang makita niya ang batang lalaki na kamukha ni Garreth, gayundin ang babae na tumawag dito. 

Ngayong mas nakapag-isip-isip na siya nang maayos ay medyo may pag-aalinlangan na siyang nararamdaman. Hindi kaya at nagkakamali lamang siya ng iniisip?

Hindi naman niya natitigan nang maiigi ang babae para mamukhaa ito nang mas maayos pero… Mas mabuti na siguro ang manigurado siya.

Kinuha niya ang cellphone na ipinatong niya sa bedside table. Marahan siyang tumayo mula sa kama upang hindi magising ang katabi niyang kasalukuyang natutulog at kapareho niyang wala ring kahit na isang saplot sa katawan. Nagsuot siya ng bathrobe na may monogram pa ng logo ng hotel at saka lumabas ng kuwarto at naupo sa mahaba