47 The Triplets, Pt. 3

Tulad ng inaasahan nina Ellaine at Georgia, pagdating ng umaga, bago pa man maihain ang kanilang breakfast, nag-uunahan na ang mga triplets na ikuwento sa kanilang Tita Georgia ang lahat ng ginawa nila sa nangyaring gala at bonding nilang mag-iina nang nakaraang araw. Lahat yata ng nakita nila, naranasan, nasakyang mga rides, at mga kinaing pagkain ay nabanggit nila. Kung may nakalimutan man ang isa ay may isa rin naman sa kanila ang magpapaalala nito.

“The girafffes were this tall,” wika pa ni Raze na iminumestra pa kung gaano katangkad ang nakita nilang giraffe sa binisita nilang zoo. “There were lions and tigers! And we saw penguins!”

“And bunnies,” simpleng sabad ni Cas bago kumagat sa breakfast waffle niya.

Sa tatlong mga bata, si Raze ang pinaka-nag-enjoy sa paglilibot nila