CHAPTER 110 “HIDDEN DESIRES 1”

MAALINSANGAN ang panahon nang araw na iyon. Kaya sa halip na sa kwarto namin ay minabuti ni Marius na sa guest room na muna ilagay ang crib ng aming anak. Iyon lang kasi ang isa sa dalawang kwarto sa bahay na iyon na may aircon.

At dahil nagpaalam na rin si Manang Sela sa kaninang after lunch na magpapahinga, dahil nga sa init ng panahon ay sa kwarto kung nasaan si MJ na rin ito natulog.

Iniwan ko si Marius sa library dahil may tinatapos itong trabaho. Habang naisipan ko namang mag-freshen up sa pamamagitan ng paglulunoy sa bathtub.

Habang pinupuno ko ng tubig ang bathtub ay noon ko rin sinimulang maghubad sa harapan ng malaking salamin. At katulad ng madalas mangyari mula nang makasama ko sa bahay na iyon ni Marius. Tumambad sa paningin ko ang maliliit na markang ginawa sa akin ng mismong bibig at mga labi ng binata.

Agad akong pinamulahan. Kasabay iyon ng pakiramdam na sana ay kasama ko ngayon si Marius sa banyong iyon. Sa loob ng aking silid.

“Marius,” anas ko pa saka naupo s