Chapter 52

“Tsk, lakasan mo pa!” malakas na sabi ko habang hawak ang kailangan niyang suntukin sa mga palad ko.

“Anak ng tinapa naman! Nahihinaan ka pa? Babae ako Kent Axel!” inis na singhal ni Saji at halos ibato sa akin ang punching gloves na suot niya dahilan para pigilan ko matawa.

“Kapag hindi ako tumumba hahalikan kita! Bilis na!” sinamaan niya ako ng tingin at halos manlaki ang mata ko nang mabilis siyang sumuntok at tamaan ako sa tagiliran.

“Yung palad ko lang sasapakin mo, bakit tagiliran ko? Namemersonal ka ah?” singhal ko dahilan para umirap siya.

“Paano ka tutumba kung ‘yan ang sasapakin ko, aminin mo na gusto mo lang ako halikan. Imbyerna ‘tong bading na ‘to,” bulyaw niya na malakas kong ikinatawa.

“Ako bading?”

“Ako?” turo ko pa sa sarili ko.

“Pwe!” napipikon niyang sabi at naupo sa gitna ng boxing ring na ikinatawa ko lalo.

“Pawis na pawis ka na,” mahinang sabi ko at inalis ang nasa palad upang abutin ang towel at punasan siya.

“Plastic mo,” inis niyang sabi at pumikit nang punas