CHAPTER 34

"Thank you..." saad niya kay Roberto sa mahinang tinig nang ilagay nito sa mismong harap niya ang isang tasa ng kapeng inorder nito para sa kanya. Sunod nitong inabot sa kanya ay ang platong naglalaman ng italian pasta.

Roberto also got his own order. Nang mailipat na sa mesa ang mga pagkain ay saka nito itinabi ang tray na pinaglagyan ng mga iyon. Then, he faced her. Isang ngiti ang agad ay sumilay sa mga labi nito nang balingan siya.

"Kumain ka, Tamara. Para bang ang laki ng inihulog ng katawan mo kaysa nang huli tayong nagkita," puna sa kanya ni Roberto habang abala na nito sa paghahalo ng sariling pagkain. Ginagawa nito iyon habang sa kanya pa nakatingin.

Aminado din naman siyang waring pumayat siya nitong mga dumaang araw. Maliban nga sa naging tamilmil siya sa pagkain ay labis din siyang nasubsob sa dami ng gawain sa OFC. Iyon marahil ang dahilan kaya malaki ang inihulog ng kanyang katawan.

She just smiled at Roberto. Inabot niya na rin ang sariling tasa ng kape. Hawak niya ang