Kabanata 72

Hanggang kailan mo kayang panindigan ang sinisigaw ng puso? Hanggang hindi ba sa'yo ipinapaalala ng mundo ang katotohanan ay lalaban ka? O susuko sa oras na muling ipamulat sa'yo ng tadhana na sa likod ng kasiyahan na iyong tinatamasa ay ang sugat na pilit mo'ng tinatapalan?

Masuyong hinaplos ni Lucas ang kamay ni Lera sa ilalim ng lamesa habang sabay-sabay silang naghahapunan sa mansyon ng huli. Pinapagaan nito ang loob ng babae dahil kanina niya pa napapansin na ito ay tila balisa.

Sa kabilang banda, hindi ang pag-amin ng kanilang relasyon ang bumabagabag sa loob ni Lera, kun'di ang katotohanan na minahal niya ang taong puno't dulo ng pagkawala ng kan'yang ama.

Huminga siya nang malalim at pilit na isinasaksak sa isipan na walang kasalanan si Lucas sa nangyari noon.

"Nanay Nora, may sasabihin po sana kami ni Lera." Humigpit ang pagkakahawak ni Lera sa kamay ng nobyo nang magsalita ito. Nagkatinginan sila na animo'y nag-uusap kung sino ang unang mags