63 - I'm sorry

Natigilan ako sa bigla niyang paghalik sa kamay ko, ngunit mabilis akong tumayo nang mapagtanto ang ginawa niya. Napabalik rin ako sa pag upo nang hinila nito ang kamay ko.

"Bumalik ka na doon," sambit ko at sinubukang tumayo ulit at tanggalin ang kamay kong hawak ng kamay niya.

"Ayoko," sambit nito habang ang mata ay mapungay na nakatingin sa'kin.

"Edi manigas ka diyan! Bitawan mo nga ang kamay ko!" Mahinang bulyaw ko.

Ano ba kasing naisip ko? Nakakainis! Dapat hindi na ako bumaba at dapat hindi ko hinawakan ang labi niya, pero kahit nagsisi akong hinawakan ang labi nito ay hindi ko pa rin maiwasang mapasulyap ulit sa labi niya... alam ko naman kasi na kasalanan ko rin naman kung bakit nagkasugat ang labi niya.

"And now you are staring at my lips?" Masuyo nitong sambit.

Sumimangot siya sa sinabi niya. Nagulat ako kaya halos mapaatras na ako nang bigla siyang maupo, ngunit hindi nito binitawan ang kamay ko.

"Hindi mo tatanungin kung bakit ayaw kong bumalik sa kwarto?" Rin