Chapter 21

Savina Pov

Nagdadabog ako habang naglilinis ng bagong bahay na pinagdalhan sa akin ni Desmon. Hindi lang pala sa mundo namin may malaki siyang mansion dahil kahit dito sa mundo ng mga tao ay mayroon din pala siyang malaking bahay. At akala ko ay hindi na niya ako gagawing alipin dahil wala na kami sa mansion niya iyon pala ay wala rin ipinagkaiba. Alipin pa rin niya ako.

Tatlo ang mga kasama sa bahay namin dito. Isang tagaluto at dalawang tagalinis ng bahay at ako ang pang-apat. Mas malaki ang mansion niya kaysa sa bahay niya rito sa mundo ng mga tao pero mas gusto ko rito. Kaunti lamang ang pakikisamahan kong tao at hindi ko na kailangan pang umiwas kay Allana. Hindi rin masasama ang ugali ng mga aliping kasama ko kaya magiging maayos ang pagtira ko sa bahay na ito. Sa totoo lang ay okay lang sa akin kahit na maging alipin pa rin niya pero ewan kung bakit naakakaramdam ako ng inis. Siguro dahil alipin pa rin ang tingin niya sa akin.

"Napapansin ko na kanina mo pa pinupunasan ang vase