Chapter 25

Savina Pov

Hindi ko mapigilan ang mapatitig sa guwapong mukha ng lalaking tumulong sa akin para para lubayan ako ng dalawang lalaking lasing na lumapit sa akin kanina. Walang duda na guwapo siya ngunit hindi ako nakaramdam ng pagbilis ng tibok ng aking puso katulad ng nararamdaman ko kay Desmon. At iisa lamang ang ibig sabihin ng nararamdaman kong ito para kay Desmon. May nararamdaman akong pagtingin sa kanya. Ang tanong, may nararamdaman naman kayang pagtingin sa akin si Desmon?

"Miss, are you okay? Natakot ka ba sa dalawang lasing na iyon? Huwag kang mag-alala dahil hindi ka na nila babalikan pa," kausap sa akin ng guwapong lalaki nang lapitan niya ako. Mukha naman siyang mabait kaya bahagya ko siyang nginitian.

"I'm, okay. Salamat sa ginawa mo kanina," pasasalamat ko sa kanya.

"Wala iyon. Ako nga pala, si Donny. How about you? What's your name? Kung okay lang sa'yo na sabihin sa akin ang pangalan mo," friendly ang pagkakangiti na sabi pa niya sa akin.

"Savina. Savina ng pangalan ko