Chapter Sixty-Nine

Lloyd

"Kuya, may nararamdaman ka na ba para kay Olivia?" tanong ni Matthew na siyang bumasag sa katahimikan sa loob ng kotse ko.

Kasalukuyan akong nagda-drive no'ng tanungin niya iyon. Walang imik ko lamang siyang nilingon at pagkatapos ay muli kong itinuon ang aking atensiyon sa daan at nagpatuloy sa pagmamaneho.

"Alam kong weird pero masaya akong magkasama tayo ngayon!" dagdag pa niya.

Hindi pa rin ako sumagot. Hinayaan ko lang siyang magsalita nang magsalita. Mapapagod rin siya.

"Alam mo, Kuya? Matagal kong pinangarap na makasama kita nang matagal gaya nito. Simula pa no'ng nalaman kong may kapatid pala ako!"

"Shut up! You're annoying!" pagrereklamo ko sa kaniya.

"Kahit na lagi tayong nag-aaway at palagi kang galit sa akin, alam mo bang tinuturing pa rin kitang kapatid? Ginagalang pa rin kita gaya nang-" hindi niya na natapos ang kaniyang sinasabi nang lingonin ko siya't pandilatan ng mata.

"Ano ba?! Sinabi ko bang mag-drama ka dito? I'm still hated you! Yes, I allowed you to