018

"Hello, Darius. Napatawag ka?"

Pasimple siyang tumingin sa akin. Si Amanda naman ay hindi na inalis ang mga mata sa akin, kaya pinilit kong umakto na tila wala lang, kahit na ang totoo ay napakabilis ng kalabog ng aking dibdib. .

"Wala siya sa shop ngayon..." Tumikhim si Camila. May munti at mapang-asar na ngiti sa kaniyang mga labi.

"I mean, wala kami sa shop ngayon. Nasa ospital kami ni Amanda."

Tumaas ang kaniyang kilay. "Wala ayos lang naman kami. Si Lily ang pinuntahan namin dito."

Ako naman ngayon ang tumaas ang kilay, pero nakipagtaasan lang siya ng kilay sa akin. Si Amanda naman ngayon ay halos malagpasan na ng kaniyang noo ang kaniyang kilay. Nakahalukipkip pa ito.

Tumikhim si Camila. Kaunti na lang tatawa na ito. Alam na alam ko kapag may pinaplano siyang kalokohan.

"Yeah. She's fine." Tinignan ni Amanda si Camila gamit ang nagtatanong na mga mata, but Camila just shrugged.

"Uh-huh. Baka ilang araw din siya dito sa ospital."

Kung wala lang sina Nanay at Amanda, baka in