CHAPTER 32

"Kinakampihan mo ba ang manager mo?" liko ko sa usapan namin. "Gusto mo ba talagang umakyat sa stage ng mukhang pupunta ng festival, ha?" dagdag asik ko.

Bahagya namang napaawang ang kanyang bibig. "Wala naman akong sinasabing..."

"Huwag mong kakampihan kung ayaw mong pagbuhulin ko kayo pareho," seryoso kong saad at hinawi na siya para makadaan ako.

Sakto naman ang pagbukas ng pinto at pagpasok ni Wendy. Pasimple akong napabuntonghininga, halos makalimutan ko na ang existence nito. Rinig ko ay may duet sila ngayon.

"Grantt! Hindi ka pa ready? What the hell? What happened to you? Bakit hindi ka pa rin ready? Malapit na tayong magsimula," agad na asik ng babae.

Pasimple akong natawa, kahit ito ay halatang hindi sang-ayon sa suot ng lalaki. Sinulyapan ko si Olive at hindi na maipinta ang mukha nito. Ngayon niya sa'king sabihing ito na ang pinaka-best outfit na recommended niyang suotin ni Grantt. Kahit sino ay makakapagsabing baduy na baduy ito.

"Magpapalit na nga," tugon ni Grantt