Chapter 11: Let's Meet

Josh Rain Montez

Padabog kong hinagis sa ibabaw ng table ang cellphone ko na siyang nakaagaw naman ng pansin nina Ramil at Byron.

“Oh? Problema mo?” tanong ni Ramil sa akin.

“Wala,” tipid na sagot ko dito.

“Wala pero salubong na salubong ‘yang dalawang kilay mo,” natatawang sabi naman ni Byron sa akin.

Kinuha ni Ramil ang cellphone ko saka nito ito pinakialaman. Mabilis ko namang binawi sa kanya iyon pero mabilis lang din niyang naiiwas sa akin.

“Don’t tell me dahil kay Yannie Ace kaya ka bad trip?” natatawang sabi ni Ramil sa akin habang hawak-hawak ang cellphone ko at tinitingnan ang kung ano doon.

“Akin na nga iyan!” inis na sabi ko dito.

“Yannie Ace?” tanong naman ni Byron.

“Si Yannie Ace, Pre. ‘Yong bagong chicks nito,” tugon ni Ramil kay Byron.

“Ah! ‘Yong textmate niya?”

“Oo, iyon nga!”

Sa huli ay nagtagumpay naman ako na mabawi ang cellphone ko mula kay Ramil. Mabilis kong itinago iyon sa loob ng bulsa ko.

“L.Q kaagad kayo?” nakatawang tanong ni Byron sa akin.

Hindi ko siya sin