Chapter 36

Aleya's Pov

Lihim na napakuyom ang aking mga kamao nang makita ko kung sino ang babaeng nagsalita. Ito ay walang iba kundi ang babaeng kausap ni Enrique kahapon.

"Cloe? Paano ka nabuhay?" naguguluhan ding tanong ni Edzel sa babae pagkatapos ay sumulyap sa nakatatandang kapatid.

Nakangiting naglakad si Cloe palapit kay Enrique at parang tuko na kumapit sa braso ng binata. Napatingin naman sa akin si Enrique ngunit mabilis kong iniiwas ang aking paningin sa kanya. Ayokong makita kung gaano siya ka saya ngayong nagbalik na ang babaeng mahal niya.

"Mahabang kuwento, Gigi, Edzel. At nasabi ko na rin kahapon kay Enrique ang dahilan kung bakit buhay ako. Pero uulitin ko para sa inyo at papaikliin ko na lamang," sagot ni Cloe pagkatapos ay nag-umpisang magkuwento kung paano ito nabuhay. "Noong maaksidente kami ni Enrique ay hindi naman talaga ako namatay. Nalumpo kasi ako at sinabi ng mga doktor na hindi na ako makakalakad pang muli. Kaya nagpasya si Daddy na itago na lamang sa lahat ang tot