Chapter 59

Aleya's Pov

Habang nagsasayaw kami ni Deo sa gitna ng dance floor ay nakaramdam ako ng panunubig kaya mabilis akong nagpaalam sa kanya na magsi-cr lamang ako. Habang naghahanap ako ng tao na maaari ko mapagtanungan ay hindi sinasadyang nakita ko si Senador Sebastian na may kausap sa cellphone. Akmang lalapitan ko siya para batiin ng happy birthday dahil hindi ko siya nagawang batiin kanina nang ipinakilala sila ni Cloe sa isa't isa. Ngunit bago pa man ako makarating sa kanya ay biglang may lalaking halos kasing-edad lamang niya ang lumapit sa kanya at nakipag-usap.

"Maligayang kaarawan, my friend. Hanggang ngayon ay wala ka pa ring kupas. Guwapo at matikas ka pa rin," nakangiting puri ng lalaki sa senador. Napahalakhak naman ito ng malakas dahil sa papuri ng kaibigan.

"Hanggang ngayon ay magaling ka pa ring mambola, Abner. Kaya hindi ka napapalitan bilang mayor sa lugar mo dahil magaling kang mambola," sagot naman ng lalaking Abner ang pangalan at isa pala itong mayor. Isang malakas