Chapter 61

Aleya's Pov

"Ang kasong hahawakan ninyo ngayon ay tungkol sa drug lord na na si Abner Juico," panimula ni Ninong Zandro sa kanyang briefing tungkol sa bagong misyon namin ni Deo. Mula sa projector na nasa harapan namin ay nakita ko ang pamilyar na lalaki. Saglit akong nag-isip kung saan ko siya nakita. Mahinang napapitik ang daliri ko sa hangin nang maalala ko na kung saan ko siya nakita. Sa party kagabi ng ama ni Cloe nakita ko ang lalaking ito at siya ang kaibigan na kausap ng ama ng dalaga. Kung ganoon ay isa palang pinaghihinalaang drug lord ang taong iyon? Alam kaya ng senador ang tungkol sa maruming trabaho ng kaibigan niya? "Siya si Abner Juico. Fifty years old, biyudo at may nag-iisang wnak na binata. Isa siya sa pinakamayamang negosyante at pulitiko sa Iloilo. Ang pagkakaalam ng lahat ay isa siyang matulunging mayor sa lugar nila dahil iyon ang image na ipinapakita niya sa mga tao. Ngunit noong isang Linggo ay sinalakay ng team ninyo ang isang malaking laboratory ng pagawaan