Chapter 69

Aleya's Pov

Pilit kong kinalimutan ang namagitan sa amin ni Enrique at ipinukos ang aking konsentrasyon sa misyon namin ni Deo. Bagama't nagpapasalamat ako dahil hindi ako pinuntahan o di kaya ay tinawagan ng binata para pag-usapan ang tungkol sa nangyari sa amin ay may bahagi ng puso ko ang nalulungkot sa tila pangbabalewala niya sa namagitan sa amin. Ngunit kapag nararamdaman ko ang lungkot na iyon ay mabilis kong iwinawaglit sa aking isip ang bagay na iyon. Kailangan kasi buo ang konsentrasyon ko sa aming misyon.

Muling pinasok namin ni Deo ang bahay ni Mr. Juico. Itinaon namin na umuwi siya sa Iloilo kaya wala siya sa bahay niya rito sa Maynila. Muling in-interrupt ng aming hacker ang koneksiyon ng mga CCTV sa buong subdivision kaya pati bahay ni Mr. Juico ay hindi maayos ang mga CCTV. Mabilis kaming nakapasok sa bahay nito dahil ang mga guwardiya nito ay pa-easy-easy lang. Wala kasi ang amo nila kaya sinasamantala ng mga guwardiya ang magsaya. Nag-iinuman kasi ang mga ito sa gili