Chapter 74

Aleya's Pov

Isang malamig na tubig ang biglang nagpagising sa aking nahihimbing pang kamalayan. Literal na malamig ang tubig na ibinujos ng sinuman sa aking mukha at ang hula ko ay nilagyan iyon ng yelo bago ibuhos sa akin. Nakapikit ang mga mata na ipinilig ko ang ulo ko ng malakas para kahit paano ay maalis ang tubig sa mukha ko. Naramdaman ko kasi na hindi kayang abutin ng mga kamay ko ang mukha ko dahil nakatali ito sa aking likuran. Nang magmulat ako ng mga mata ay natuklasan kong nakaupo ako sa isang silya habang nakatali ang aking mga kamay sa sandalan ng silya. Agad nahagip ng aking mga mata ang dalawang lalaking binugbog ko sa parking lot at ang isa sa kanila ay naka-cast ang isang paa at may hawak na saklay. Ngyon ko lang na-realized na isang palabas lang pala ang lahat. Siguro binigyan nila ng pera ang dalawang batang iyon para sumakay sa drama nila at pagkatapos ay in-injeksyunan ako ng gamot na pampatulog. Alam nila na hindi ko paghihinalaan ang mga bata lalo pa at mga ta