Chapter 72

Aleya's Pov

Magkasabay kaming gumapang ni Enrique papunta sa likuran ng kotse ni Deo. Nang makapagtago na kami ay agad niyang hinawakan ang aking mga braso at iniupo.

"Are you okay, Aleya? Wala ka bang tama ng bala?" hindi maitago ang pag-aalala na tanong niya sa akin. Inikot-ikot pa niya papunta sa kaliwa at kanan ang aking katawan para tiyakin na wala akong tama ng baril sa katawan.

"I'm okay, Enrique. Wala akong tama ng baril pero sa tingin ko ay tatamaan talaga ako kapag hindi mo ako binitawan para makayuko," reklamo ko sa kanya. Hindi ko rin mahugot ang baril ko sa aking tagiliran dahil mahigpit ang pagkakahawak niya sa magkabila kong braso.

"Oh, I'm sorry," aniya sa akin bago ako binitiwan. Nang mapatingin naman ako kay Deo ay naiiling ito habang nakataas ang isang kilay at tila nanunudyo ang mga mata. Inirapan ko siya pagkatapos ay hinugot ko ang baril ko at pumuwesto sa tabi ni Enrique na may hawak na ring baril.

Nang huminto sa pagbaril ang mga kalaban ay sumenyas sa akin si