Chapter 70

Aleya's Pov

Matagumpay na nailabas namin ni Deo sa lihim na silid na nasa loob ng bahay ni Mr. Juico si Ms. Sylvia Villareal. Agad namin siyang idiniritso sa ospital para matingnan ang kalagayan niya. Naiwan ako sa ospital para may magbantay kay Ms. Villareal samantalang dumiritso na sa opisina ni Ninong si Deo para ireport ang kanyang natuklasan at para makakuha na rin ng search warrant para makapasok at mahalughog ng mga pulis ang bahay ni Mr. Juico.

Habang hinihintay ko naman ang paglabas ng doktor na sumusuri kay Ms. Villareal ay tinawagan ko so Enrique at ipinaalam sa kanya na natagpuan namin ang kanyang tiyahin. Hindi naman nagtagal ay humahangos na dumating ang binata.

"Nasaan ang tita ko, Aleya? Kumusta na siya?" magkasunod na tanong ni Enrique nang tuluyan na siyang makalapit sa akin.

"Nasa loob pa siya ng emergency room at sinusuri ng mga doktor," dagling sagot ko sa kanya. Sa gulat ko ay bigla na lamang niya akong niyakap ng mahigpit.

"Thank you for saving my aunt, Aleya.