Chapter 68

Aleya's Pov

"Aleya, tama na iyan. Nakailang baso ka na ng alak. Hindi mo maso-solve ang problema mo kung idadaan mo sa pag-inom," pigil sa akin ni Enrique sa tangka kong paglagok muli ng baso ng alak na nasa harapan ko. Nasa loob kami ng disco bar na pag-aari ni Lincon. Gusto kong lunurin ang sarili ko sa alak dahil baka sakaling paggising ko bukas ay hindi na ulit mangyayari na maiisahan ako ng kung sino mang kalaban ko o kalaban man ni Uriel na nagtatago sa dilim. Mahirap ang gamitong sitwasyon. Sila ay nasa liwanag at ako ang nasa dilim kung kaya palagi nila akong naiisahan. Nangangapa lamang ako kung sinong tao ang maaaring nasa likuran ng lahat ng mga nangyayari sa akin at sa paligid ko.

"Huwag mo akong pakialaman, Enrique! Umalis ka sa tabi ko kung ayaw mong makita na umiinom ako ng alak," singhal ko sa kanya. Sa kalasingan ay mukhang sa kanya ko pa yata maibubuhos ang galit na nararamdaman ko ngayon.

"Lasing ka kaya iuuwi na kita sa bahay mo," aniya sa akin pagkatapos ay inaga