Chapter 62

Aleya's Pov

"Natutuwa ako at nakapasyal ako rito sa bahay mo sa Maynila, Tito Abner. At asahan mo ang aking suporta sa darating na botohan," nakangiting kausap ni Enrique kay Mr. Juico.

"Inaasahan ko talaga ang suporta mo, Enrique. Kapag magpakasal na kayo ng inaanak kong si Cloe ay magiging inaanak na rin kita. At natutuwa ako na magiging bahagi ka na rin ng buhay namin," masayang wika naman ni Mr. Juico.

"Ako rin, Tito Abner. Natutuwa rin ako na magiging bahagi kayo ng buhay ko," saad naman ng binata na maganda ang pagkakangiti.

Mula sa pinagtataguan kong mababa ngunit mayabong na puno ng artificial cherry blossom ay dinig na dinig ko ang pinag-uusapan nina Enrique at Mr. Juico. Hindi ko mapigilan ang pagkuyom ng aking mga kamao. Nakaramdam ako ng galit kay Enrique. Bulag ka talaga, Enrique! Bulag! nagpupuyos ang kalooban na sigaw ko sa aking isip.

Kahit sinabi ko na sa aking isip na kakalimutan ko na siya ay nasaktan pa rin ako nang malaman ko na may balak palang pakasalan ng bina