CHAPTER 21: Lexus Is Missing!

Nakarating din kami sa wakas sa pagmamay-aring resort ni Apollo. Kaniya-kaniya na nagpunta kami sa front desk upang kunin ang susi ng magiging kuwarto namin. Gusto kong kasama ko ang mga anak ko.

“I told you to save us room! What the hell? Ganito na ba ang mga staff sa resort ko ngayon? Eh, kung ganito kabulok ang naging sistema rito mas mabuti pang tanggalin ko na lang kayong lahat!”

Sobrang lakas ng sigaw ni Apollo na siyang nakakuha sa atensyon namin at ng mga tao sa paligid. Bakas sa awra ni Apollo na galit ito. Habang nakayuko ang mga staff ng resort, panigurado ay dahil sa takot.

“S—Sir, ang akala po namin ay—”

“Huwag na kayong magdahilan pa! Simula bukas ayoko ng makikita pa ang mga pagmumukha niyo!” saka mabilis na lumayo si Apollo sa mga staff.

Tinakpan ko na ang tenga ng mga bata dahil nag-umpisa na itong sumiksik sa akin dahil pati sila ay takot na rin sa inasta ni Apollo.

“Iyan kasi, puro kayo kapalpakan. Mabuti na lang at nai-save niyo pa ang VIP room for me.” hirit pa ni