CHAPTER 36: Be Brave

Lalabas na sana si Apollo mula sa kaniyang opisina ngunit kaagad naman na dumating si Mr. Aberin. Bakas sa mukha nito ang lungkot at pagkadismayado. Nasasaktan siyang makita na umiiyak ang nag-iisa niyang anak.

“D—Dad. . . Magpapaliwanag po ako, this is just a misunderstanding—”

“Huwag tayo rito mag-usap, Apollo. Trabaho lamang ang pinag-uusapan sa loob ng kompanya.” pagkasambit nito ng matandang Aberin ay kaagad na itong tumalikod at lumabas ng opisina ni Apollo.

Napakuyom ng kamao si Apollo. Hindi niya inaasahan na narito ito ngayon, at sigurado siyang narinig nito ang lahat. Kung hindi niya kayang sabihin kay Melody, kaya niyang ipaliwanag ito sa matandang Aberin.

Walang salitang sinundan niya ang matanda hanggang sa groundfloor ng building at pumasok sila sa loob ng kotse. Wala ni isa sa kanila ang gustong magsalita. Hinihintay niyang magalit ito o pagsabihan siya bago sana siya magpaliwanag ngunit hindi iyon nangyari bagkus ay may iniabot ito sa kaniyang papel.

“Gumaganda na ang p