Chapter 53

MARAMING nagbago. Sa isang linggong pananatili ni Lorenzo sa Villa, nagkaroon siya ng matinding takot at naramdaman ni Audric ang takot na iyon.

Wala naman ginagawa si Lorenzo, pero sa bawat oras na nakikita niya ito. Parang minutong katumbas iyon sa impyerno. Nagmistula itong bomba at natatakot siya na sumabog ito sa araw na hindi niya mapapaghandaan.

Wala naman nagbago sa pagmamahal na pinapadama sa kaniya ni Audric. Gano'n pa rin. Sweet pa rin ito sa kaniya kung hindi lang laging umeeksina si Ivony.

Nakausap niya na rin harap-harapan si Ivony at sinabi nito sa kaniyang babawiin nito ang lalaki sa kaniya. Doon palang na parte, para na siyang pinukpok sa sakit. Hindi niya kayang isipin na mapalayo si Audric. Sa kaniya na ito at sakim na kung sakim!

Pinagpasalamat niya rin na hindi dumalaw ang Donya. Nasa America ito, kasama ang nga mayayaman kaibigan.

Nalaman niya rin ang totoong dahilan kung bakit nandito ngayon si Ivony. Bumagsak ang career nito bilang isang sikat na internationa