Chapter 76

HINDI makatulog si Ffion, ito ang totoo. Panay ang baling ng kaniyang ulo. Hindi siya komportable sa kaniyang kama. Masyado itong malambot at pati ang kaniyang unan. Pakiramdam niya ay nalulunod siya.

Napilitan siyang bumangon at marahan kinapa ang gilid ng kama. Sa sahig na lang siya matutulog.

"What happened?"

Doon lang niya naalalang nasa Villa nga pala siya at kasama niya si Audric sa iisang kwarto pero sa sofa ito nakahiga. Bukas din ay sa ibaba na raw siya matutulog at doon na rin ang silid niya.

Pero bukas ay kukulitin niya ulit ito hanggang sa ibalik siya sa Baguio.

"Hindi ako makatulog. Masyadong malambot ang kama at unan," anas niya at narinig niya ang paghakbang ng paa nito papunta sa pintuan at lumabas.

Ano pa nga ba ang aasahan niya kay Audric? Nang makababa siya ng kama, bigla naman bumukas ang pintuan at pumasok ulit doon si Audric. Lumapit ito sa kaniya.

"Kumuha ako ng mattress sa kabilang silid at ibang unan. Ilagay ko lang ito sa kam—"

"G-gusto ko sa sahig. Doblehin