Chapter 80

AT KUNG saan medyo komportable na si Ffion sa Villa, ay siyang pagbisita naman ng isang panauhin na hindi niya inasahan sa araw na iyon. Isang buwan na ang dumaan at inasahan niya na matatagalan siya sa Villa, pero ang hindi niya inasahan ay ang pagdating ni Ivony!

Wala ang dalawang kasam-bahay na si Joy at Helen, sumama ang mga ito kay Manang Minda para bumili ng groceries para sa loob ng isang buwan supply.

Si Anna naman, sandali itong nagpunta sa kusina. Nasa veranda siya nang mga sandaling iyon, nagpapahangin. Nakaupo sa rocking chair.

"Masarap ba mamuhay ng mala-prinsesa, Ffion?"

Nahigit niya ang hininga nang magsalita ang tunay na nagmamay-ari kay Audric. Kaagad niyang nasapo ang tiyan.

"I-ivony...?"

"Yeah, it's me. Ivony Bustamante! Nakalimutan mo agad ang pangalan ko? Oh yeah, hindi na pala ako dapat magtaka. Bulag ka. Bulag ka dahil binigay mo ang mata mo sa asawa ko, right?"

"A-asawa?" Tila may kung anong bumikig sa lalamunan ni Ffion.

"Asawa. Wife. Totoong may bahay ni Audr